ETXEBERRIKO BEHITEGIAN LANGILE BAT BEHAR DUTE.

Etxeberriko behitegian langile bat behar dute, eta zuk curriculum txiki bat idatzi behar duzu. Curriculum horretan segidako kontuak aipatu behar dituzu:

1. Nor zara? Noiz eta non jaio zara? Non bizi zara?
2. Non ikasi duzu? Zer ikasi duzu? Zure formakuntza.
3. Zer gustatzen zaizu egitea?
4. Behitegi batean, zertan dakizu egiten?
5. Zein hizkuntza dakizkizu?
6. Besterik. 

ZURGINAREN IPUINA

ZURGINAREN IPUINA

Bazen behin zurgin langile eta fin bat: Firmin. Oso trebea zen.

Eta bazen baroi gerrazale bat: Von Bonbus baroia.

Von Bonbus baroiak gerran eskuineko besoa galdu zuen, eta Firmin zurginak zurezko beso berri bat egin zion. Primeran atera zitzaion.

Von Bonbus baroiak, berriz ere, gerran besoa galdu zuen, ezkerreko besoa, eta Firminek zurezko beso berri bat egin zion.

Von Bonbus baroiak, berriz ere, gerran bi zangoak galdu zituen, eta Firminek zurezko bi zango egin zizkion.

 Von Bonbus baroiak, berriz ere, gerran burua galdu zuen, eta Firminek zurezko buru berri bat egin zion. Eta lan bikaina egin zuen, zalantzarik gabe, lehengoa baino hobea zen, berriz ere gerrara joateko asmorik gabe gelditu zen eta.

ANIMALIAK.

Animaliak gustatzen zaizkizu? Eta etxekoei? Zuk baduzu animaliarik etxean? Zein? Animaliarik ez baduzu, esan zergatik ez. Zein animalia da egokia pisu batean edukitzeko? Animaliak etxean edukitzeko, nola zaindu behar dira?

EGIN EZAZU IDAZLAN BAT AURREKO INFORMAZIOA EMATEKO.

AISIALDIA

AISIALDIA. ZER EGITEN DUZU ZUEN LAGUNEKIN DENBORA LIBREAN?

Idatz ezazu idazlan motz bat, kontu hauek kontatzeko (8 lerro):
- Zer egiten duzu zure denbora librean? Irakurri, telebista ikusi, zinera joan, kalera atera...
-Bakarrik ala lagunekin?
-Noiz duzu denbora librea?
- Plan berezirik batzuetan.

Baliabide gramatikalak
-Ohitura t(zen)
- Ondo erabili: naiz/dut
-Denborazko esaldiak: -(e)nean

Frankensteinen eskua. Nire esperimentu zientifikoa.

Zientzia guztiz arduragabea edo Armix max-mix liburuak hartu, esperimentu bat aukeratu, eta zure esperientzia kontatu behar duzu. Hona hemen eredua.

Frankensteinen eskua

Beharko duzu:

1. Gomazko eskularru bat.
2. 2 koilaratxo sodio bikarbonato
3. 50 ml ozpin
4. 250 ml-ko hauspeatze-ontzi bat. 

ZER EGINGO DUZU.

1. Ozpina ontzira botako dut.
2. Sodio bikarbonatoa eskularruan sartuko dut, atzamarretaraino zabalduz.
3. Eskularrua ontziaren goialdean lotuko dut, hutsunerik utzi gabe.
4. Atzamarpuntetatik tiratuko dut, bikarbonatoa erortzeko.
5. Frankensteinen eskua puztuko da.  

ZER EGITEN ARI NAIZ. 

1. Ozpina ontzira botaTZEN ARI NAIZ.
2. Sodio bikarbonatoa eskularruan sartZEN ARI NAIZ, atzamarretaraino zabalduz.
3. Eskularrua ontziaren goialdean lotZEN ARI NAIZ, hutsunerik utzi gabe.
4. Atzamarpuntetatik tiratZEN ARI NAIZ, bikarbonatoa erortzeko.
5. Frankensteinen eskua puztEN ARI DA.

ZER EGIN DUT.

1. Ozpina ontzira BOTA dut.
2. Sodio bikarbonatoa eskularruan sarTU dut, atzamarretaraino zabalduz.
3. Eskularrua ontziaren goialdean loTU dut, hutsunerik utzi gabe.
4. Atzamarpuntetatik tiraTU dut, bikarbonatoa erortzeko.
5. Frankensteinen eskua puzTU da.

 

 

PASATU DUZUN BELDURRIK HANDIENA

Konta ezazu pasatu duzun beldurrik handiena. Horretarako, segidako informazioa eman:

• Non zeunden?
• Norekin zeunden?
• Noiz gertatu zen?
• Zer gertatu zen ?
• 
  

Ikasketa-bidaia

Ikasketa-bidaia egiten ari zara toki eder-eder batean, zure ikaskideekin. Zure anaiari e-mail bat bidali behar diozu, egiten ari zarena kontatzeko. 07 ikasgaiko 12 ariketa har ezazu eredu.