Amaia eta Koldo, mundua zaindu nahian.

Egunkaria zabaltzen dugunean, edo telebistako teleberriak ikusten ditugunean, beti ateratzen da inguruneari buruzko berri latzen bat. Guk baditugu bi bide. Bata, besoak gurutzatzea; bestea, litekeen konponbide bati ekitea. Amaiak eta Koldok bigarren bidea aukeratu dugu.

Koldo eta Amaia zarete. 09 ikasgaiko 12.ariketa hartu eredutzat, eta kontatu zer egiten duzue mundua zaintzeko.


 
Baliabide gramatikalak

- Agintera: partizipioa, zaitez, zaitezte; ezazu...
-T(z)eko.
-Behar izan; nahi izan.
-noiz?..(.e)nean
-Zerezkoa

ETORKIZUNEKO GARRAIOA

Asmatu etorkizuneko garraioa. Kontuan hartu ondorengo puntuak>

• Nondik joango da (uretatik, errepidetik, lur azpitik...)
• Zertarako erabiliko da, gauzak ala pertsonak garraiatzeko? Zenbat pertsona eraman ahal izango ditu?
• Zein ezaugarri izango ditu?
•  Diseinua. Deskribatu barrua eta kanpokoa. Forma, kolorea, elementuak. Tamaina. Materiala. Abantailak. Zerbitzuak, erosotasuna, abiadura, prezioa. 

Ama haserretu da

Ama zure logelan sartu da, eta asko haserretu da, den-dena hankaz gora duzula ikustean. Agindu asko eman dizkizu. Kontatu zer gertatu den. (09.4 ariketa)

BALIABIDE GRAMATIKALAK

-...T(Z)EKO AGINDU DIT.

Plastikozko lore itsusiak botatzeko agindu/esan dit.
Praka beltza garbigailuan sartzeko agindu dit.

Ospitalean gau bat eman behar

  Halako batean, kopetako eder bat hartu duzula eta, gau bat pasatu behar duzu Nafarroako ospitalean. Baina ez da gauza larria, den-dena kontrolpean dago eta. Halere, badaezpada ere, gau bat pasatu behar duzu ospitalean, medikuek proba batzuk egin arte. Zure adiskideek hori jaki dutenean, larritu egin dira. Gutun bat idatzi behar diezu, haiek lasaitzeko.

AZTERKETAKO IDAZLANA

Azterketarako idatzi zenuen idazlana sar ezazu txoko honetan. Gainerako ikaskideek zuzenduko dizute zure testua, eta gero zuk, zuzenketak ikusita, azken zuzenketa egin beharko duzu.

Papera birziklatzen

Papera birziklatzeko kaxa

Sortu birziklatzeko papera jasotzeko kaxa bat, gelarako. Jarraitu pauso hauek:

• Aukeratu ontzi bat: kartoizkoa, plastikozkoa...
• Apaindu. Horretarako: erabiliko duzuen materiala zerrendatu (erabil itzazue botatzeko gauzak); erabaki materiala non lortu.
• Idatzi lan prozesua.

GOGOAN IZAN: apainketak birziklapenarekin zerikusia izan behar du!

Argazki baten deskribapena

Bilatu norbaiten txikitako argazkia (lagunen bat, neba-arrebaren bat, lehengusuren bat...) eta deskribatu. Gogoratu:

• Datu objektiboak eta subjektiboak tartekatu.
• Deskribapena egiteko ordena bat aukeratu: ezkerretik eskuinera, goitik behera...
• Gauza nabarmenak deskribatu.
  

MAKILAKIXKI

Saia zaitez zure hitzekin eta ahal duzun moduan ikasgelan kontatu genuen ipuin hori kontatzen.

Osabaren etxean bazkaldu dut

Gaur zure osabaren etxean bazkaldu duzu. Kontatu zer egin duzun. Hartu 07 ikasgaiko 17. ariketa eredutzat.

Ikasgelako egunerokoa

07 ikasgaiko 9.ariketa hartuz, kontatu behar diguzu gaur zer egin duzun.

ZURE HERRIKO GARRAIOBIDEAK

Azaldu zure herriko garraiobideak, eskema honi jarraituz.

• Zer garraiobide daude? Zerrendatu eta azaldu labur (konpainiaren izena, geltoki asko ala gutxi dauden, nondik nora doazen...)
• Zer garraiobide erabiltzen da gehien?
• Zertarako erabiltzen da garraiobide bakoitza?
• Zure iritzia eman: nahikoak al dira garraiobide horiek? Gehiago behar al dira? Zertarako? Zergatik?

Herri kirolak

Talde bakoitzak herri kirol bati buruzko murala egingo du. Horretarako, jarraitu Aukeratu herri kirol bat eta bilatu informazioa; ahal baduzu, argazkiak ere bai. Idatzi kirolari buruzko azalpena:

• Zertan datza?
• Non jokatzen da?
• Zer material erabiltzen da?
• Zein arau ditu?
• Kirolari ezagunenak aipatu.

Osatu murala azalpenekin eta irudiekin (argazkiak, marrazkiak...). Ondoren, itsatsi ikasgelan.

Albistea

Aukeratu titular hauetako bat eta idatzi albistea:

• Milaka korrikalari Txantreako Maratoian.
• Asteburu honetan ospatuko da Pilotaren Eguna Labriten.
• Irubide-Padre Moret ikastetxeko futbol-taldeak Txantreako Futboltxo Txapelketaren finala jokatuko du.

OHARRA: nahi baduzu, zeuk asmatu titularra eta albistea.
Albiste idazterakoan, gogoratu:

• Albistearen zatiak. Horretarako, begiratu goiko eskemari.
• Albistean informazio hau eman behar duzu: NOR(K), ZER, NOIZ, NON, NOLA eta ZERGATIK.

Eguraldiaren iragarpena

Eguraldiaren mapa aztertu ondoren, saiatu iragarpena egiten.

Argazki albuma

Gure familiaren argazki albuma

Diseinatu eta azaldu zure familiaren oporretako argazki batzuk. Horretarako:

• Eskatu zure etxean argazki batzuk (ahal baduzu, garai desberdinetakoak)
• Itsatsi orrietan (paper zuriak margotuta, koloretako kartulinak...nahi duzun materiala erabil dezakezu).
• Idatzi argazki bakoitzaren azalpena. Lehenik, azalpenaren zirriborroa koadernoaren idatzi.